ဂီတဆိုတာ ကမ္ဘာ့ဆွဲအားလိုပါဘဲ။ ကျွန်မတို့နဲ့အရမ်းနီးကပ်နေပေမယ့် အဲ့တာဘာလဲဆိုတာနားလည်အောင်ရှင်းပြဖို့ ခက်ခဲတယ်။ ရာစုနှစ်ပေါင်းများစွာ ဂီတပညာရှင်တွေ၊ ဂီတရေးစပ်သူတွေက ဂီတရဲ့အဓိပ္ပာယ်ကို အမျိုးမျိုးဖွဲ့ဆိုခဲ့ကြတယ်။ ဒီ article မှာ music ရဲ့ အဓိပ္ပာယ်တစ်ချို့ကို လေ့လာကြည့်ကြရအောင်။ တစ်ချို့က music ကို အသံ၊ လေရဲ့တုန်ခါမှုလို့ ပြောကြပါတယ်။ ဒါပေမယ့် အဲ့တာမတိကျပါဘူး။ ဥပမာ ထိုင်ခုံကို “သစ်သားတုံးကြီး” လို့ပြောရင်နားထောင်သူရဲ့စိတ်ထဲမှာ ထိုင်ခုံလို့ထင်မှာ မဟုတ်ဘူး။ ဘာလို့လဲ? သစ်သားနဲ့လုပ်တဲ့တခြားပစ္စည်းတွေလည်း ရှိတဲ့အတွက်ပါ။ အဲ့လိုပဲ ကျောက်တုံး ၂တုံးကို ပွတ်တိုက်တဲ့အခါ လေရဲ့တုန်ခါမှုနဲ့ အသံထွက်ပေါ်လာပါလိမ့်မယ်။ ဒါပေမယ့် အဲ့အသံက ဂီတမဟုတ်ပါဘူး။ ဂီတကို pitch (အသံကြိမ်နှုန်း) နဲ့ rhythm (အသံကြာချိန်) တို့ ပေါင်းထားတဲ့ အရာလို့ပြောရင်လည်း မတိကျသေးပါဘူး။ ထိုင်ခုံကို “ခြေလေးချောင်းပါတဲ့ သစ်သား” လို့ပြောရုံနဲ့ ထိုင်ခုံရဲ့ အဓိပ္ပာယ်က မပြည့်စုံသွားပါဘူး။ အဲ့လိုပါပဲ။ ဥပမာ နာရီ timer မြည်သံမှာ pitch လဲ ရှိတယ်၊ rhythm လဲရှိပါတယ်။ ဒါပေမယ့် အဲ့တာ music လို့ သတ်မှတ်လို့ မရသေးပါဘူး။ အဲ့တော့ ဂီတကို ဘယ...